KHAMOSH MOHABBAT

yeh haal e dil kabhi kehna
kabhi yun hi chupa jaana
yeh batein tum na samjho gay,
tumhain kehney sey kya haasil?

kabhi hans hans keh ghairon sey
tumharey saamney aana
kabhi logon mein bhi tanha,
tumhain yun dekhtey rehna.

kabhi choti si batoun pe
ulajhna aur khafa hona,
kabhi tum ko manana jab
tumhain tanhai aa ghairey

teray aanso chura laina
jo palkon par bhi naa aaye
tera gham saar hai koi
humara sa, kaho janaan?

ajab ik kaj adaaiee sey
humain yun taaltey rehna
khamoshi sey humara
muskurana aur chal daina.

akailey mein tumhari yaad
ko dil mein basa laina
khud hi sey haal e dil kehna
ke jaisey saamney ho tum.

yeh dil mein sochtey rehna
keh yeh kehna hai ab tum sey
tumharey rubaru aa kar
faqt ik aah bhar laina

yeh ulfat ki adaain hain
mohabbat ki tareekat hai
barey belos hain jazbe
issi khamosh ulfat mein.