Haan, Zindagi say Darta hoon
Zindagi Jo tum bhee ho, Zindagi Jo hum bheee hain
hum or tum say wabasta khawab na bikhar jaain
khwab kay bikharnay say, aah kay nikalnay say
zindagi kay aangan main khamshi kay chanay say
khamashi say wabasta, Her Ghari say darta hoon


Ankahi say darta hoon
Jo abhi nahin aayi , ussi ghari say darta hoon
uss ghari ki aamad say, phool jo bikhar jayain, bagh jo ujar jayain
Bagh kay ujarnay say, phool kay bikharnay say
Uss ghari ki aamad ki aagahi main posheeda
bay basi say darta hoon

Aadmi say darta hoon,
aadmi jo tum bhi ho, aadmi jo hum bhee hain
aadmi zuban bhi hay, aadmi bayaan bhi hay,
iss zuban ki talkhi si, iss bayan ki shiddat say, aah jo nikalti hay
aah say main darta hoon, chah say main darta hoon
Chah ki tamanna main, zindagi say larnay say
Zindagi kay hotay bhi, aadmi kay marnay say
zindagi say darta hoon, aadmi say darta hoon

Haan, abhi say darta hoon
Woh abhi jo tum bhi ho, woh abhi jo hum bhi hain
Hijr kay andheray main, aas kay ujalay hain
wasl kay ujalay main, aas ki judai say
Baykhudi say payvasta, Khud ki khudai say
Main abhi say darta hoon. Khud khudi say darta hoon