Chale chalo ke woh manzil abhi nahi aai

Ameer-e-shahr gareebon ko loot leta hai
kabhi baheela muzhub kabhi banam-e-watan
(Ahmed Faraz)

Taig munsif ho jahan daar-o-rasun ho shahid
beganah kon hain us shahr mein katil ke siwa
(Ali Sardar Jafary)

Kis ki awaz kaan mein ayee
Door ki baat dehaan mein ayee
ye kinara chala ke nao chali
kehye kaya baat dehaan mein ayee
Ilm kaya ilm ki haqeeqat kaya
Jaisi jis ke gomaan mein ayee
ankh neechi hoee arey ye kaya
kyon garaz darmeeyan mein ayee
mein peghumber nahin yagana sahi
is se kaya kasr shan mein ayee
(Yagana Changazi)

A parendon kisi shaam urtey howay
rastey mein agar woh nazar aye to
geet barish ka koi sunana usey
A sitaro yoheen jilmelate howay
uska chehra dareechey mein a jai to
badaloon ko bula kar dekhana usey
A hawa jub usey neend anay lagay
raat apney thekaney pe janey lagay
us ke chahrey ko choo kar jagana usey
Khawab se jub woh bedaar honey lagay
phool baloon mein apney parooney lagay
meray barey mein kuch na batana usey
(Zeeshan Sahil)
(http://uk.360.yahoo.com/imranbhatt)