My Poetry - Faraar

haan . . .

usse guftar pe uboor tha, izhar main kamal tha
andaz main juda juda, aur roop main jamal tha
na ghamon se koi ashnai, na he koi malaal tha
khushion main arooj tha, her dukh ko zawal tha

magar . . .

Insan jesa be kamil ho, kuch kammi to rehti hay
roshan ankhon main chuppi, nammi to rehti hay
khushion ke sath sath, kuch ghammi to rehti hay
saagar ke kinron pe be, kaai jammi to rehti hay

aksar . . .

khud se judda honay ki arzoo, betaab hoti hay
rukay hoye aansoun ki shiddat, sailab hoti hay
hamzad se hooi nafrat be, ik inqalaab hoti hay
dil main chuppi baat, bohat behijaab hoti hay

tabb . . .

jo kuch na socha ho kabhi, wo be ho sakta hay
jo nasib main likha be ho, wo be kho sakta hay
khushian jo bantata raha ho, wo be ro sakta hay
rehbar gar jye kabhi thak to, wo be so skata hay

phir . . .

chal para ik ajab simat, ke rasta to nia ho ga
mehfal main ashnai na ho, wasta to nia ho ga
wazah dari ko chore dia, zabta to nia hoa ga
qbool ho ga dard be, keh aarza to nia hoa ga

magar . . .

manzil se jab wo bhatka, to kho dee apni zaat be
nasib usko na din hua, aur kho chuka tha raat be
wapsi ka tha na zikar koi, na he lautny ki baat be
zarf main jo qabool ki, us har main thee maat be

ab . . .

kisi izhaar main uss ke qaraar nazar nahi aata
kisi qaraar main uss ke iqraar nazar nahi aata
kisi iqraar main uss ke taqraar nazar nahi aata
kisi takraar main uss ke izhaar nazar nahi aata