DEEWAR.....A poem I composed today

DEEWAR

Log kehte they ki Deewar ke oospaar,
Anjaan log rehte hain,
Bade khufnaak log hain woh.
Pith pe waar karte hain.

Ek din humein tak mili,
Diwar kudkar hum gaye oospaar.
To hamne dekha,
Ki wahan hamare jaisa hi ghar hai.

Wahi aangan,wahi khet, wahi khaliyan.
Wahi Ma, Wahi Bahan aur wahi Dost.
Wahi geet, wahi sangeet.
Wahi gham the aur wahi Khushiyan.

Ek sakhsh ko ghar ke baahar dekha.
Dekha to woh main hi tha.
Main hi dono aur rehta tha.!
To phir yeh deewar ka wazood kya tha?

Us deewar ki dono aur
woh khaufnaak santari Kaun the ?
Ek hi jaat thi magar Uniform alag the.!
Aur us deewar pe siyasat kyon karte the ?

Kuch logon ko jinhe
Hamne Mantri banaaye,
Wohi log aaj santari ban baithe hain,
Diwar ko khuda banakar.

Khudh unke bande ban firte hain,
Yeh diwar bhi badi badsurat bala hai,
Jaan khaati hai logon ki,
Khoon piti hai pyaas buzaane.


Diwar ke thekedaaron ne,Sab ke,
Jeene marne ka intezaam kar rakha hai.
Santari sab Insaaniyat kha chuke hain,
Aur Diwar Insaano ko khati hai.

Koi muze batao,o mere humdum,
In darindo ka kya karen?
Jinhon ne Diwar ke naam par
Siyasat ki kilein gaadi hui hai?


Khud to diwar ke naam par Apana aashiyana
Banate hain,aur dono aur se Main,
Is khun ki pyasi Diwar mein
Dhire dhire Jinda chuna jaata hun.

Nichiro